ندى ندى ندى الى المنشي شمالي

[ابو ناهض]

بسم الله الرحمن الرحيم
السلام عليكم ورحمة الله وبركاته
SUNNYSUNNYSUNNY

احييك بتحية الاسلام مشرفنا العام والريس للمنتدى
انا عارف اني ملفت للنظر وانا من النوع الي يستحي وما اطلب شي و اشد حياء من العذرا في خظرها
كما تعلم ولا يخفا عليك وجودي القديم معكم
و المثل يقول الاول لاعب والتالي تاعب
والظاهر انها انقلبت اخوي heavyThunderstorm اشوف التالي لاعب والاول تاعب انا قديم و الاشراف ما طرى عليكم تقولي شي فيه ناس بعدي والان ماشاء الله ماهوب حسد اللهم لا حسد
لكن شي يحز في النفس حتى مواضيعي ما يرد عليها وهذا سبب عزوفي الشهرين الي قبل
وانا عارف انك غايب و لا فيه نايب و فيه شواغر

امزح معك
انا ما بي شي القصد فزعة
وان بغيت شي لا يردك الا لسانك


بعد حييك
اخوك ابو ناهض الشمري

[غازي العتيبي]

ابوناهض ياحبني لك وينك عساك بخير اختفيت وانا ادورك بشمعه
والله يابوناهض لو الود ودي كان حطيتك المسئوول الاول والاخير في المنتدى انت مهم جدا بارك الله فيك ومواضيعك ومشاركاتك لاغنى عنها لا وودي اصبغ اسمك باللون اللي تباه انت تامر خيو بوناهض

[ابو ناهض]

مشكوووووووووو ر مدمن مطر

لا مابي بويه ابي مطر هههههههههه

[غازي العتيبي]

هههههههههههههههههههههههه
انت تامر بس قول اللي خاطرك فيه لايردك الا لسانك اخوي
وماعليك الرجال طيب وبيحطك في المكان اللي تريده بس والله تمنيتك معاي في رسومات الجرافيكس منك تصميم ومني تصميم ونسوي قروب لايقهر بس انت تعرف عن هالاشياء

[ابو ناهض]

مشكلتي الحيا مقطعني بنات راحن ما خطبتهن و وظايف طارت علي بسبت الحي المفرططططططططط
واجتمعت حيا و شوي ثوره اهلي يقولونه من اول

[ابو ناهض]

الله يجبر بخاطرك مدمن مطر انت الي سئلت عني غبت لي كم شهر توقعت فيه موضوع عني ( وين ابو ناهض يا شباب ما احد شافه ) الشكوى لله قاعد ادخل واطلع اشوف فيه سوال عني لكن رجعنا الشكوى لله
قلت يمكن انك استعجلت يا ابو ناهض طلعت وما بعد فرضت نفسك

[المنشى شمالي]

ياهلا وغلا بالغالي

وش دعوى يابو ناهض انت قدرك على العين والراس قبل المنتدى

ولا تشتكي لي ابكيك

فأنا جدا مقصر معك ومع امثالك من الأعضاء الرائعين والمميزين

وكذلك مع هذا المنتدى والصرح الرائع الذي فتح لنا قلبه

وأولانا محبته وثقته التي ليس لها حدود فينا

واللسان يعجز حقيقة عن التعبير بما في صدورنا تجاه القائمين

على هذا المنتدى الذي قفز قفزات عملاقه في مجال الطقس

في وقت وجيز ونسأل الله العلي القدير أن يوفقهم ويسددهم وان يعم الخير

جميع اعضاء وزوار الطقس

وارجع اليك اخي الغالي والبناخي ابو ناهض واوجه لك نداء خاص بان لاتبخل علينا

بمشاركاتك النيرة والمفيدة واطروحاتك المميزة

فأنت مميز في قلوبنا قبل منتدانا

تحيتي