قصيدة عن الرحلات البرية

[مدار السرطان]

يهل الولع قلبي تزايد فتونه
مقصده يسج بديرتن مابه أسوار

من فوق شاص يعجب اللي يسوقه
مجهزينه للمقاطع والأخطار

مضف على كل الصحاري حقوقه
نوه جديد كل طبلونه اصفار

أليا شلع تقول يرخي سبوقه
فرخ قطامي ورد بعد محدار

الطير والدربيل تزهي شنوقه
والعزبه اللي زودها بن وبهار

أمل التوناك لا تهمك عروقه
واضرب نهايته الخلا منت محتار

يحلا نسيم الصبح ساعه شروقه
بالفيضه اللي كلها نبت نوار

يزين بدع القاف بحلاء طروقه
يقفر خلا ما طبها كل دوار

أرم الحطب والناس كل وشوقه
وجد الدلال الصفر فمصالي النار

ثم احكر الفنجال ويزين ذوقه
بريه يطرب لها كل زوار

الصيد واجد والنشاما تحوفه
غزايز دايم سمينات وخيار

ارم النظر ما فيه شيء يعوقه
برض خلا ترتع بها دق الأبكار

العمر فاني والليالي تسوقه
والرازق الله والمخاليق قصار

قصيدة رائعة أخوي مدار السرطان

[مراسل حائل]

الله يعطيك العافية اخوي
وصح لسانك

[نسيج الكون]

مشكور على الجهد المميز مشرفنا الغالي

[مدار السرطان]

مشكورون على المرور

[عـاصـف]

رااائع

صح لسانك أخي

ولاحرمنا من إبداعاتك

[وادي شطاب]

صح لسانك الله يعطيك العافيه

[ابوليان]

صح لسانك