طلبا وليس امرا ارجو من الجميع التفاعل والمشاركة والمصلحة عامة بأذن الله

[همال بردي]

فكره رائعة ابو نواف

واهم المناطق التي سالت شعبانها هي :

شعبان الحوطة عامة .. والجنوبية خاصة وسمعنا عن بدء ظهور الباذر ويفدينا أكثر اخونا راصد الحوطة

أيضا شمال الافلاج .. ويفيدنا اكثر اخونا راصد الافلاج

كذلك حائل .. والعلم عند المنشى شمالي بالتفصيل :)

والدوادمي مثل ماقلت يابونواف

كذلك اقترح ان يزود الموضوع بصور من قبل الاخوان المقيمين بالقرب من هذه الشعبان

وشكرا

[المنشى شمالي]

ياهلا بابو نواف والمعذرة منك لاني كنت بالقصيم

فكرة رائعة المبدأ وغزيرة المعنى

بالنسبة لحائل أغلب شعبانها مشت من المطرة الماضية والنفود رويانة

وانت تجي يابو نواف ويصير خير ان شاء الله

[مطارد البروق]

اقتباس المشاركة الأصلية بواسطة : حكيم العامري اهلا با اخوي مطارد البروق وان شاء الله اتفرع مع الشباب في المواضيع لاني بعد الحج اجتمعت علي الظروف والانفلونزا والاشغال عموما موضوع رائع اخوي مطارد البروق والسيل والربيع :) مشكووور عليه بس كذا نطلع على حسابك :p وكثر الحطب :D والامطار اللي عليها الكلام شمال حائل حتى طريف وعرعر والجوف بس البرد الله يعين اللي بيطلع عليه

السلام عليكم ورحمة الله وبركاتة
هلا والله وغلا وهلا والله بالعزيز والحبيب الغالي اخوي حكيم العامري لاعدمناك وبارك الله فيك 00 حبيت والله اشكرك ياخي الغالي على هذا المرور وعلى هذا الرد الجميل والطيب من قبلكم ويسعدني ويشرفني مرورك الكريم واشكرك جدا على تأييد الفكرة بس ياليت الاخوان يتفاعلون اكثر واكثر لتعم الفائدة والمصلحة للجميع 00 كما انني اشكر جميع الاخوان الذين ردوا وشاركوا باهذة الفكرة
واقول لهم ماقصرتوا وبيض الله وجهيكم ودمتم في اتم الصحة والعافية بأذن الله تعالى 00
واقول مرى ثانية طلبا وليس امر ا ارجو من الجميع التفاعل والمشاركة شاكرا ومقدرا حسن تعاون الجميع والفائدة ان شاء الله لجميع وليس لكاتبة 00 وسلامتكم ودمتم سالمين بأذن الله تعالى
وتقبلوا مني اجمل تحية وتقديري لكم
اخوكم ومحبكم ابونواف

[هيت]

جنوب االحوطة امطار وسيل من 15 يوم وهي بعيدة عن الصقيع واتوقع تنبت اسرع من غيراها

[الطقس]

موضوع مهم قبل الاجازة

[شاطئ ابحر]

شمال شرق الطائف في منتصف 11 / 2007 م سقوط امطار ولله الحمد والمنة والثناء الحسن

بارك الله فيك

[ابو كشه]

الجوف اول منطقة جاها مطر في الوسمي وخلينا نروح الجوف جهز السيارة من زمان ودي بالجوف

[مطارد البروق]

اقتباس المشاركة الأصلية بواسطة : برق الربيع فى نجد الامطار جنوب الرياض من الحوطه وجنوب الى الافلاج امطار غزيره وبرد وسيل

حبيت والله اشكرك ياخي الكريم على هذا المرور وبيض الله وجهك والله الجميع ودهم يعرفون اماكن الربيع والامطار الغزيرة السابقة لكي يتسنى للجميع معرفة تلك الاماكن وهذا مايجي الا بتفاعل جميع الاخوان لذا ارجو من الجميع التفاعل والمشاركة ولم يتبقى الا ثلاثة ايام على الاجازة ارجو من الجميع التفاعل طلبا وليس امرا 00 كما انني اشكر جميع الاخوان على ردودهم وتفاعلهم الغير مستغرب من هالوجية الطيبة وهم السبقون الاولين على مثل تلك المشاركات فاهم مني جزيل الشكر والعرفان والامتنان والتقدير فبارك الله فيكم جميعا