قرنبييط مقليي

[الاميره رغد]

بنات عروس الحلووووووين

كل سنة وانتم طيبين عشان فصل الشتا
دي مناسبة خاصة جداااااااا عليا زيها زي العيد بالضبط ههههههههههه

طبعا في الشتا بينتج محصول القرنبيط كتير
وليه كذا طريقة لطبخه

والطريقة اللي هقدمها دلوقتي، قرنبيط مقلي
بنات كتير سالو عليه،، فقولت اقدمهولكم ويارب يحوز على اعجابكم ;)

بسم الله نبدأ

::المكونات::

2 قرنبيط وسط، ونقطع الزهرات كل زهرة لوحدها، ولو الزهرة كبيرة نقطعها بالطول
المهم تكون قد قبضة اليد مش كبيرة

اضغط على الصورة لفتحها بصفحة مستقلة






ودي شكل الجزء الاخضر اللي قطعنا منه الزهرات

اضغط على الصورة لفتحها بصفحة مستقلة


*مكونات الخلطة*
3 بيضات
3 ملاعق كبيرة مليانة دقيق ابيض
معلقة صغيرة كمون
معلقة صغيرة فلفل اسمر (نسيت احطه في الصورة)
نصف ملعقة صغيرة شطة
ملح

اضغط على الصورة لفتحها بصفحة مستقلة


:: الطريقة ::

نملى حلة مية ونضيف لها معلقة صغيرة كمون ونملحها ملح مناسب للقرنبيط نفس ملح التذوق العادي

اضغط على الصورة لفتحها بصفحة مستقلة


اول ما المية تغلي ننزل زهرات القرنبيط فيها

وملاحظة مهمة جدااااا

الزهرة تكون فوق والقمع يكون تحت، لان القمع بياخد وقت في التسوية
لكن الزهرة نفسها بتستوي بسرعة
وتكون كده بالشكل ده، واغطي الحلة بس افتح الغطا شوية عشان ما يفور وتتكب المية

اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


بعد حوالي 3 دقايق، اغرز الشوكة في القمع اللي تحت
واشوفها لو غرزت يبقى استوت اشيلها في مصفة

اضغط على الصورة لفتحها بصفحة مستقلة



اسيبها تبرد شوية واجهز الخلطة

في طبق اخلط الدقيق بالمية لحد ما تكون زي البشاميل يعني كريمي بس تقيل

اضغط على الصورة لفتحها بصفحة مستقلة


واخفق البيض بالفلفل الاسمر والكمون والشطة والملح

اضغط على الصورة لفتحها بصفحة مستقلة


واضيفه على الدقيق والبقدونس

اضغط على الصورة لفتحها بصفحة مستقلة


ونقلب كويس واحاول اضبط الملح طبعا

اغمس زهرات القرنبيط في الخلطة ، بحيث انزلها على جمبها واقلبها بعدين امسك القمع واسيبها ربع دقيقة تصفى من الخلطة او لحد ما يكون مفيش خيوط كده

اضغط على الصورة لفتحها بصفحة مستقلة


وانزله في زيت غزير حامي واقليه على نار متوسطة
ولما انزله يكون الراس تحت والقمع فوق، ولما تتحمر الراس كويس اميل القرنبيط على الجنب وكل شوية اقلب على جنب لحد ما كله يتقلى عشان ما يكون فيه طعم البيض ويتحمر حلو
واطلعه على ورق يشرب الزيت

ويكون ده شكله النهائي
القرنبيط المقلي
طريقة تحضير اليوسفي بالصودا
سلطة الملفوف والخس
طريقة عمل منسف أردني بالدجاج
سمك السلمون في الفرن بالخضر
طريقة تحضير عصيـر المندرين
طريقة تحضير عصير الكيوي
الدجاج التركي مع الخبز البلدي