مجــرد تخيــــلات

عبدالله مسفر · #1 04-02-2008, 11:00 PM

السلام عليكم ......
في الحقيقة .. أحد قد تخيل .... هــالدنيا تكــــون بدون بنــــات .. أو الجنس الأنثوي ....
الحقيقة ... لا .... ماأحد قد تخيل .... ولا يمكن
يشطفه الخيال بمثل هالامور ....

مو مهم نتخيل والا لا ..... المهم وش راح يصـــير ......

أو بمعنــى آخــــر لو انقرضوا البنـــات وش راح يصـــير ..........

تعــــالوا نتخــــيل ....

× يصــير مافيه شي أسمــــه ( طقـــاقات ) .

× ينحذف البيت اللي يقول ( الأم مدرسة إذا أعددتها ...... )

×ماراح نلقى شغــالات اندونيســـيات أو حبشيـــات .....

×تخف على الشباب مناهج النحــو لأنهم راح يلغون بـــاب التأنيث ....

×وراح نســلم من قولة ( ود ..... و ..... وجب ) .

×وبتقفل المشاغل النسائية ....

×نفـقـد شوفة الشباب في الأســـواق .

×شركة الإتصالات تخـــسر ولا يكون عندهم مبالغ ضخمة زي الحين ( أحســـن ) .

× تخــــسر محلات العطـــور والمكيــاجات ....

×الكوافيرات تسرح شعر الخرفان بدل شعور البنـــات ( هذا لو كان فيه كوافيرات ) ...

×تنتهي محلات الورود ويسكرون مستشفيات الولادة ... ويحول جميع أطباء النساء والولادة إلى أطبـــاء بيطريين .

×الزحمة اللي تلاقيها عالأسواق في رمضـــان تنــتهي .

ورغــم كل هالميــزات الحــلوة اللي يمكن يشوفها البعض .. في إنقراض البنات .... هنــــاك راح تكـــون مســاوئ
الإنقـــراض ..... وخلونا نشوف وش أهمهـــا :

× ينتهي شي أسمـــه حنــــان من هالدنــــيا ...

× تروح البسمـــة من وجهة الرجال .... ويختفى معنى الحــب ..

× ماعـــاد فيه أطفــــال .

×ماعد يكون هناك تفريق بين المر والحــلو .... والأبيض والأسود ....( نرجع للعصر الحجري ) ..

×يرجع الرجال تعبان للبيت مايلقى في وجهه الا الجـــدار ... ( ويمكن الجـــدار مايعطيه وجه ) .

×مافيه ترتيب في البيت ويمكن يكون ســـريره ســاحة تجمهر للفيران والدشير من الصراصير .

×يلبس ثوبه وهو مصفـــر له أسبــوعيـــن ماانغســل .

× الشمــاغ من زود النظافة اللي فيه ... ينقلب من أحمــر وأبيض ... إلى أسود وأصفــر ( هذي بتصير ميزة لمشجعي الإتحــاد ) .

×جــــواله يكون هـــاجد محد يدق عليه يقول له متى بتجي ؟ ... وينك تأخرت ؟ .....( يحس أنه مهم شوي ) .

بس تبون الصدق ... صدق من قال ان النساء شقائق الرجــال ....

ووالله الحياة مالها طعم ولا تحس بقيمتها بدونهم ..... الله لايخليها منهم .....