جديدي !! قصيدة ( نوض بارق ) !!

[السديم]

يا الله بليلن حقوقن ليـا منـه ضـوى &&& يرتكـز برقـه و تسمـع لرعـاده دوي

يرتدم تحتـه ربابـه و يقفـاه الهـوى&&& نوض برقه في نصوبه يخايلـه بـدوي

كن وبله والبرد فـي تساقطهـا سـوى&&& سبحتن ينثر خرزها بقاعـن مستـوي

كن راسه مع سحوقه وهو فيـه التـوى&&& هضبتن في الهضب والعرق فيها ملتوي

كن هملولـه ليامنـه حـول ثـم قـوى &&& جادلن تنفض شعرها على الخصر الروي

ينهمر من فوقن قاعن ثراهـا مـا روى&&& من سنينن لاهب الوقت يشويها شـوي

القفار الخالية ذيبهـا الجايـع عـوى&&& و الشجر يزويه عاصف سمايمهـا زوي

يرجع العساس في وصفه سيله ماغـوى&&& الندى فوق الندى وعشوي بعـد غـدوي

من مطره عيون الأفلاج وعيون الجـوى&&& فاض ماها والمسايل بكت سيلـن قـوي

من بكاها الأرض تضحك وغاربها اكتوى&&& يوم عرتها السوافي و تكويهـا كـوي

أشهد إنها يـوم تلبـس ملابسهـا دوى &&& ملبسن من كل نبتـا و عشبـا محتـوي

ذي هواتي يوم قلبـي تولـع واهتـوى&&& بركب الفكسار الأبيض وادور لي خـوي

[المهندس امجد]

الله الله الله الله
شيء رائع ووصف جميل من البرق الى الريح الى المطر و السيل وصولا الى وصف منظر اكتساء الارض بالخير
و الخضار

مشكوووووور

[أبو عبدالله]

خــــوي ..

صح لسانك يالذيب .. وصف جميل يالسديم ..

مبدع وأتمنى لك تطور في هذا المجال ..

ذي هواتي يوم قلبـي تولـع واهتـوى&&& بركب الفكسار الأبيض وادور لي خـوي

عز الله أنك جبتها يا بعدي .. يعطيك العافية ماقصرت

[الأكلبي]

القفار الخالية ذيبهـا الجايـع عـوى&&& و الشجر يزويه عاصف سمايمهـا زوي

صح لسانك
الله على ذالبيت خليتني اسرح صوب ديره تعرفها انت وكني اعيشه ذالبيت
لاهنت الله يعيطك العافيه

[السديم]

اقتباس المشاركة الأصلية بواسطة : المهندس امجد الله الله الله الله شيء رائع ووصف جميل من البرق الى الريح الى المطر و السيل وصولا الى وصف منظر اكتساء الارض بالخير و الخضار مشكوووووور

شكرا لمرورك وحضورك البهي ..

[الصلبوخي]

وعليكم السلام ورحمة الله وبركاته

حياك ربي وبياك وجعل الجنة مثواك اخي الغالي وشاعرناالرائع السديم



وصح لسانك وعلا شانك على هذه القصيدة الرائعة والمعبرة

نسال الله ان يسقينا الغيث العميم

دمت في حفظ الرحمن

[عـاصـف]

ابيات جميلة سطرتها أخوي السديم

[السديم]

اقتباس المشاركة الأصلية بواسطة : أبو عبدالله خــــوي .. صح لسانك يالذيب .. وصف جميل يالسديم .. مبدع وأتمنى لك تطور في هذا المجال .. ذي هواتي يوم قلبـي تولـع واهتـوى&&& بركب الفكسار الأبيض وادور لي خـوي عز الله أنك جبتها يا بعدي .. يعطيك العافية ماقصرت

ونعم الرفقة أنتم ..