الا ليت الزمن يرجع

[ابو ضي]

بعد التحيه والسلام

في البدايه هذه اول مشاركه لي في المنتدى اتمنى تنال اعجابكم و اسمع رايكم في ما سوف تقراون


كنا ننبسط اذا كان عندنا كبير سن جد او جده والحين كثر العقوق وكثرة دور المسنين وامتلت بعد

كانت عوائل مع بعض في بيت واحد متحابين ومتجانسين والحين اذا اجتمعوا لو ساعه ماتنتهي الا بمشكله او سوء تفاهم بين اثنين

كنا نجتمع مع بعض في الوجبات الثلاث والحين زين ان اجتمع اثنين على وجبه


كنا اذا تهاوشوا العيال نقول ايه بزران وتهاوشوا اما الحين لا وتهاوش ولدك لا تخطي على حد والحين يتهاوشون العيال عشان عيالهم والمشكله بعد دقايق العيال مع بعض يلعبون

كنا اذا جاء احد نرحب فيه ونهلي اما الحين نقول لا تجي الامتصل لا واذا جا من غير اتصال نخلي الخدامه والا احد العيال يفتح ويقول له بابا مو فيه

كنا اذا عزمنا نقول حياك الله انت والعيال ومن تحب والحين ممنوع اصطحاب الاطفال والدعوه خاصه

كنا في المناسبات والاعياد نروح للي اكبر منى نعيد ونهني والحين زين ان ارسلنا رساله

كنا نعرف كل الحاره والحين زين ان عرفت اللي جنبك لا وتعرفه اذا جت فاتورة المياه واللي معها

كنا دايم نضحك مع اللي نعرف واللي مانعرف واذا سالك احد ننبسط ونخدمه الحين دايم مكشرين ومعصبين واذا سالك احد ترد من طرف خشمك

كنا اذا جاء وقت وماشفنا صاحبنا في المسجد لصلاه نروح ونسال عليه اما الحين بالشهور ماندري عن بعض واذا قابلته اوكلمك اول شي وينك مالك شوفه ولا تتصل طيب انت اتصل

كنا نحلم ندخل جامعه عالميه او عربيه الحين زين ان دخلت جامعه هنا

كنا نحلم نكون اطباء ولا مهندسين ولا طيارين الحين زين ان دخلت اثار ولا زراعه

كنا نحلم بوضيفه وكرسي دوار الحين يرضون لو بحارس امن

كنا وكنا وكنا واحين وين صرنا

طبعا مو الكل البعض ولو خليت خربت واكيد ان كل واحد فينا على اقل فيه وحده ولا ثنتين.

بصراحه انا مو من هوات كنا او القديم ولاني شايب اوكبير سن ولكن الغالب جاي فيه وصايا للرسول صلى الله عليه وسلم


بقلمي <!-- / message --><!-- sig -->