" يـا مـيـتـــــــــــــي "

[شمـالـــي]

يـا مـيـتـي كان الـلـيالي مقابيل.
والـلـه علـى شانـك لسـوي بلاوي..
وأشيـل عنـك الهـم والضيم والويل.
وأصـبـر عـلـى مـر الـدهـر والمكاوي..
وأشيل حملـك يابعد هالبشر شيل.
لو كنـت أنا للحـمـل مـانـي بقاوي..
وكــل الـمـصـايـب والـعـنـا والغرابيل.
أقعـد لهـا لحالـي براسـي خلاوي..
وأمشـي دروب كـل أبوهـا عراقيل.
في ليـلـة ظـلـمـى بـلا نـور ضاوي..
وجـروحـك اللـي مالهـا طب يزيل.
لاصـيـر لـجـروحـك طـبـيـب مداوي..
أنتـي زرعتـينـي وأنـا لـك محاصيل.
وكـل يـحـصـد الـلـي زرع بالتساوي..
في هقوتك لايلحقك شك أو ميل.
مـاهـو بـنا اللـي به تخـيـب الهقاوي..
وأصـيـر لـك درع بـدنـيـا التهاويل.
وآقف بوجه الوقت ما أبدي شكاوي..
ولـو شـفـت في دنياي هم وبهاذيل.
لاأضحك بوجهك لو خفوقي شقاوي..
ولو غبت عن عينك نهاري مع الليل.
نـامـي عـسـاك بحـفـظ رب سماوي..
ولو ألزمن حكمه علي قاسي حيل.
أصبر ولو حكمة علي حكم غاوي..
ومادام راسـي عايـش وفي يدي حيل.
أنتـي تمنـي وأنـا أجـيـب المناوي..
أهم شي أرضيك لو عيشتي ويل.
وغيرك زعلهـم وألرضـى به تساوي..
لامـن رضيتـي كـل عـمـري تساهيل.
ياأغلـى من الغالين وأغلـى غلاوي..
أمشي بطوعك غصب من غير تأويل.
من قبـل لا أسمـع ولا أقـرى الفتاوي..
ولابيع من شـانكـ هوى بنت هالجيل.
وأنسى الهوى وأصبر لو أني هواوي..
وأحـرق جـمـيـع أوراقـهـا والمراسيل.
وأتـوب مـرة عـن عـيـون ألنداوي..
وأقـطـع عـلاقـتـنـا وحـبـل ألمواصيل.
لـو حبهـا فـي داخـل القـلب لاوي..
وكانـي عـليهـا صحـت مثـل المهابيل.
يـآعلنـي للمـوت وألفـيـن هاوي..