ربيع مبكر ام شتاء متأخر ((تحول الى الربيع مبكرا وحالة برد شاذة ))

[هاوي بر]

اقتباس المشاركة الأصلية بواسطة : حكيم العامري علم هاوي بر ماسك طريق خطاء هههههههه الله يعوضه اليوم و اليوم بيحتار وين يروح هاوي بر انتبه تتجه مع طريق الدودامي الحوطة خطيرررررررررر امسك الطرق الرئيسية الكبار

ههههههههههه توني راجع الرياض قبل ساعتين تقريبا
والله انك صادق اني ماسك طريق خطأ والله لي اربع سنوات وانا على هالحال عندي مشكلة كبييرة جدا لما اتابع السحب ميداني
حاولت اني اصل للسحابة الي على رويضة لكن ضيعت معد عرفت وين اروح وعلى كذا اتابع الرادار لكن هالراس مش راضي يركز ههههههه
لا سحابة الرويضة صادتني ورجعت على ~ ساجر قلت ممكن تصيد ساجر وانتظرت وقلت لا لا شكلها مهيب حول ساجر واكمل طريقي جنوب ساجر حول ~ خف ~ واوقف عند المحطة الا والبروق مولعه على ساجر هههههههههه ويوم رجعت لساجر الا والسحاب يكسر جنوب شرق يالللله ههههههه وبعدها رجعت الرياض
والحمدلله صادتني امطار متوسطة مع بروق على طريق مرات الي يودي للرياض وغبااار قوي قوي جدا انعدام تام
والله يجيب الخير ان شاء الله ويتحقق الي فالبال ..

الف شكر حيكم العامري ومتابعين بصمت
عندي سؤالين لو تكرمت

الاول توقعاتك على وسط القصيم السبت الى الاثنين

الثاني توقعات لشهر ابريل بشكل عام خاصه وسط القصيم

[حكيم العامري]

برق وادي عمد اهل اليمن صاير الخبط في اسمائك

ان شاء الله غرب الوادي يسيل سيل طيب بكرة او بعده وبعدها شرقه

[حكيم العامري]

اقتباس المشاركة الأصلية بواسطة : هاوي بر ههههههههههه توني راجع الرياض قبل ساعتين تقريبا والله انك صادق اني ماسك طريق خطأ والله لي اربع سنوات وانا على هالحال عندي مشكلة كبييرة جدا لما اتابع السحب ميداني حاولت اني اصل للسحابة الي على رويضة لكن ضيعت معد عرفت وين اروح وعلى كذا اتابع الرادار لكن هالراس مش راضي يركز ههههههه لا سحابة الرويضة صادتني ورجعت على ~ ساجر قلت ممكن تصيد ساجر وانتظرت وقلت لا لا شكلها مهيب حول ساجر واكمل طريقي جنوب ساجر حول ~ خف ~ واوقف عند المحطة الا والبروق مولعه على ساجر هههههههههه ويوم رجعت لساجر الا والسحاب يكسر جنوب شرق يالللله ههههههه وبعدها رجعت الرياض والحمدلله صادتني امطار متوسطة مع بروق على طريق مرات الي يودي للرياض وغبااار قوي قوي جدا انعدام تام والله يجيب الخير ان شاء الله ويتحقق الي فالبال ..

هاوي بر
اهم شي ما مسكت طريق الشرقية
السحاب من امس حولك ويمكن معك واحد يغير رايك
لو نمت في الوادمي امس صادك كل شي
السحاب يوقف لا تقول يقطع علي صار يتحول سدا و السد يتحرك و يوهم بانه جايك
لكن اذا مسك على خط خلايا متسللسلة ياويل العارض من سيله
اقول ان استمر الوضع يومين الى ثلاثة تاريخية
خلني اسميها اسم ما احد سرقها
سميت سحاب برد 2007 برد تاريخي وعلقوا عليها
الاسم الجديد ( سيلة مئوية ) كل مائة و اكثر تشوف مثله
حسبت معدل الامطار وجدته بعض المواقع على يومين تجوز 100 مل بعضها في اليوم سحابتين ويومين و السحابة اقله من 20 الى 30 ملم واحتمال بعضها 50

اتوقع بكرة انشاء الله او بعده يتكون بقوة

[حكيم العامري]

اقتباس المشاركة الأصلية بواسطة : زائر جديد الف شكر حيكم العامري ومتابعين بصمت عندي سؤالين لو تكرمت الاول توقعاتك على وسط القصيم السبت الى الاثنين الثاني توقعات لشهر ابريل بشكل عام خاصه وسط القصيم

اتوقع قوية جدا وخاصة الوسط الى المجمعة و الوشم باذن الله
ونحن الان نعيش تكونات استوائية
نفس مناخهم مشبع بالرطوبة تتكون في اي مكان خاصة من الرين الى بيشة و الى عنيزة و المدينة

توقعات ابريل بدري عليها و لكن ونشوف من يسطوا عليها فيه ركود وهذا التوقع الذي اتنمى يفشل او تقل مدته
وخاصة المتعارف عليه وصار خبراء اخر الزمان يتسابقون على توقيته من 3 ابريل الى 12
يبدا في هذا التوقيت
وان شاء الله تزول الموانع ويكون ممطر

[حكيم العامري]

اقتباس المشاركة الأصلية بواسطة : سهيل الجنوب مساء الخيرات ونبارك لأهل الديار الممطورة شهر إبريل ماذا تتوقعه على الوادي وجنوبه ؟؟ سمعت أن الرطوبة ستودع خلال اليومين هذي رآيك ياحكيم ؟؟

الوادي
من اول السنة متوقع اقل الوسطى
و المانع زال
اتوقع لكم سيلة باذن الله او ان اخطئت فهي بمسافة 50 كم قوية
و الرطوبة جاوبتك عليها في رد سابق

[حكيم العامري]

و أعتذر للديار التي لم يصلها السحب بسبب توقفه وافراغ حمولته على الغرب عنها
وهذا كله بامر الله
واتحمل التحاليل لوحدي لا دخل للمنتدى
ولازلت عند توقعي الحالة لم تنتهي بل تزداد خطورة
وسمعتوا شفتوا السيول التي تعتبر الافضل من سنوات وتجاوزت 100 في بعض المناطق واتوقع تتجاوز 200 ان شاء الله
ومطرت اغلب الوسطى و القصيم بقي فقط من المجمعة الى الحوطة وتعادل اقل من ربع مساحتها
الافلاج مطرت قبل ايام و سيلت واحتمال بقي لهم الايام القادمة
واستمر في التحذير لللوسطى و اقول اهل الرياض و الخرج والحوطة وما حولهم جايكم من الله خير باذن الله تفائلوا واستغفروا حتى ياتيكم
يوم يومين
وان كنت متفائل بانه قد يتكون خلال الساعات القادمة ما يفاجئ و يبشرهم

[سحاب ابريل]

للتاريخ نضعها لتسجل

سيول شرق الرويضة التاريخية تطمر طريق الرياض الطائف السريع
في منظر نادر ومهيب لم يحدث في مكانه منذ انشأ الطريق قبل اكثر من خمسه وعشرين عام

طمر تام للطريق السريع

اخيرة وانتظرو تقرير بأذن الله حين أفرغ له