ريت ايام من الدنيا صعيبه ....وريت أيام من الدنيا زها
وريت اقراب رفقتهم عطيبه ....وريت اصحاب رفقتهم عطا
وريت اللي ما يصلي فريضه ....وريت اللي ما تفوته صلاه
وريت اللي ما يديرش العيبه ....وريت اللي العيب ما يخطا
وريت اللي متعثر نصيبه....وريت اللي ما مره عصا
وريت اللي مو ماليه جيبه....وريت اللي بالحرام إمتلا
وريت اللي حياته كئيبه ....وريت اللي ما عمره بكا
وريت اللي في حوشه طبيبه ....وريت اللي ما عنده دوا
وريت اللي فلوسه في جيبه ....وريت اللي يمشي حفاء
وريت اللي معيشته عطيبه ...وريت اللي متهني بها
وريت اللي ضراته الطيبه...وريت اللي بحقده طغا
وريت اللي ما تبي سريبه ...وريت اللي إتمنى لقاه
وريت اللي يحكي في غيبه ....وريت اللي مش هكي حكاه
وريت اللي عليه الطليبه ...وريت اللي ما والي وراه
وريت اللي بفلوسك تجيبه ....وريت اللي مش للشرا
04-09-2012, 03:12 PM
ريت الدنيا ... شعر
ضع تعليق بحسابك في الفيس بوك 
العرض العادي
