متابعة الطقس لشهر نوفمبر [ الجزيرة العربية ] 2011 م

[غيمة فرح]

الاجواء صافيه علي المدينه المنوره ارجو الرد علي تساؤلي هل هناك توقعات للامطار باذن الله قريبا والله اشتقنا للامطار لنا فترة ليست بالقصيرة ماشوفنا امطار بشرونا الله يبشركم بالخير دوم

[عساس الوادي]

الغالي الأكلبي لاهنت بيض الله وجهك و جعل شيبانك في الجنة , و أن شاء الله تسامر البروق ذالليل , لاهنت .

[عساس الوادي]

اقتباس المشاركة الأصلية بواسطة : فيصل مبارك السلام عليكم ورحمة الله وبركاته موقع النرويجي في تحديثه الاخير يوسع الصدر منتصف الاسبوع القادم خاصة على الوسطى شمالها وجنوبها والشرقية نسأل الله ان يجعل الواقع افضل من المتوقع

و عليكم السلام , أرحب يا ابو مبارك , الله يبشرك بالخير و العافية و من يسمع , بإذن الله تباشير خير , الرطوبة في طبقة 850 مليبار المهمة لتكون السحب الرعدية في منصف الأسبوع القادم بإذن الله ,

[Riyadh Weather]

رش حبات كبار متوسطة
على حائل
منقوول

[الأكلبي]

اقتباس المشاركة الأصلية بواسطة : عساس الوادي الغالي الأكلبي لاهنت بيض الله وجهك و جعل شيبانك في الجنة , و أن شاء الله تسامر البروق ذالليل , لاهنت .

هلا والله ومرحبا بعساس
وجهك ابيض وانت ووالديك ومن يعز عليك في الجنه
يا كريم لكن والله ما ودي اسامر بروق او مطر تدري ليه ابي انام
والامطار يا زينها قبل ومع وبعد الفجر وفي النهار خصوصا في الضحى
الله يعم بالغيث
**********
حاليا السحب مستمره على نفس المسار جنوب مدينة حائل وغربها وشرقها تتوسع الى الشمال وتنكمش الى الجنوب ثم تعود وهكذا
حاليا الوضع ممتاز على الاجزاء الشرقيه خصوصا في المنطقة الواقعه بين حائل عريجا الشعلانيه الاقرب الى حائل خصوصا ا
طرفها الشرقيه ناحية شرق الطريق السريع الجديد وسكة القطار

[برق الربيع فى نجد]

[السديم]

اقتباس المشاركة الأصلية بواسطة : غيمة فرح الاجواء صافيه علي المدينه المنوره ارجو الرد علي تساؤلي هل هناك توقعات للامطار باذن الله قريبا والله اشتقنا للامطار لنا فترة ليست بالقصيرة ماشوفنا امطار بشرونا الله يبشركم بالخير دوم

الفرصة تضعف على المدينة ولكن ما بين المدينة وحائل والقصيم جيد ..

مرتفعات المدينة ومابين ينبغ ورابغ فرصتها أفضل من المدينة والله أعلم ..

[ولد حريملاء]

اقتباس المشاركة الأصلية بواسطة : السديم ظهرية مباركة أبو بدر .. ننتظر حالة جوية لا نستطيع فيها أن نضع أسهم على السحب الناضجة من كثرتها : لذلك لا مقارنة بين آثار نتائج تعمق الأخدود وبين تعمق الجبهة الباردة .. انتظر يناير هذا العام بشغف ولعلنا نسجل حالة ديمية معتبرة تعيدنا للتسعينيات !!

مسائيه مباركه هههههه

هالاسهم فضاوه وانا قاعد الظهرية وش اسوي ما اعرف في الفتو شوب ما اعرف الا اشرب كوفي شوب بس هههههه

دائما يا غالي في هذه الفترة التوقعات لاتنضج بامر الله سبحانه الا في حال ضخ من القرن الافريقي جميل

الازوري يحول بين الشمال والجنوب وفي حاله مشابهه لهذه الحاله وفي نفس التوقيت بامر الله لكن المنخفض مرتكز وسط مصر

بإذن الله مثل ماقلت الشتاء يحمل معه الخير افضل ولا انسى مشتي ولابس ورايح الصبح مع النخل للمدرسة ثم تزلق في الساقي وترجع تغير والا تصير نعالك الزبيريه كنها كنادر من الطين هههههههه

اقتباس المشاركة الأصلية بواسطة : السديم نوفمبر خيالي عام 1997 خصوصا حريملاء عليها نقطة زرقاء داكنة يعني ( مطر ثقيل ) ..

السديم لاقطين الفقع في الجبل من كثر الخير في هالسنه واخي ابو عبد العزيز الابرق يلقطه ماصدقو ربعه في الرياض الين اخذهم معاه يشوفون

لكن 82 اجمل واجمل منها لكن انا ودي يالسديم بسنه 1972 او 1973 يوم طاح الثلج على الرياض اجيب لك صورتها الحين

اشكرك يا غالي المتابعة معك ياخي تسعد والله كل ماشفت اسمك افرح ساحرني ياولد هههههه