اما علوم المطر فالأرض ممطورة *** والله يتبع لها من واحدا ناشي / مقطع فيديو

[همال بردي]

السلام عليكم ورحمة الله

اقدم لكم مقطع فيديو لسحابة مع بروق تعصر القلب من زينها :o

وهو مقطع قديم متدوال عبر الجوال لكن حبيت اشوقكم للخير والبروق في هذا الموسم الجاف

عسى الله يبدل الحال ويرحمنا برحمته :(

http://www.keepmyfile.com/download/1ab5db2203682

اضغط على DOWNLOAD FILE بعد فتح الرابط

----------------------

المقطع يحتوي على قصيدة للشاعر مرير ابن حبيل ويقول /

الليله اللي قمرها ساطع نوره ***يضفي على الأرض نورن كنه الشاشي
في مجلسن للنشاما كثرة حضوره *** من بينهم ما توحي كلمه الواشي
وليا انشدوا شايبن قد اقفت عصوره *** ليا هرج ما يجيب ادناه ما ناشي
قالوا علومك نبيها حيث مشهوره *** عجل وعطنا علومن تبري الجاشي
ترى لك عنا غياب عده شهوره *** ترى الجماعه هلو ما رودك اعطاشي
سولف علوم ذهب ما هيب مثبوره *** ثم قال هذا علومي وردت كاشي
اما علوم المطر فالأرض ممطوره *** والله يتبع لها من واحد ناشي
والأرض بعد المطر بالخير مذكروه *** وذكر الحيا في الجزيره عده الماشي
هذا هواية ربيع القلب وسروره *** لا وحي السوالف من العقال يعتاشي
والقلب مدنا بعد ما هيض اشعوره *** لا شاف جلسة نشاما تنشده شاشي
هذا مناتي وكل يقنع بشوره *** ولاني من اللي ورى العربان معتاشي
بخير والحال والأحوال مستوره *** في مجلس لي على مركاي وفراشي
لو ما تعشى عشايه غير شابوره *** اخير من وجبتن عند العرب حاشي

وسلامتكم ،،

[برق الربيع فى نجد]

مشكور وماقصرت يامشرفنا الغالى همال بردى وجزاك الله الف خير

[أيمن الشقاري]

عليكم السلام ورحمة الله وبركاته
مشكور يا مشرفنا لكن الرابط لا يعمل لدي بعض الضغط على Download File يرفض التحميل وينتقل الى صفحه اخرى

[طويق]

مشكور اخي العزيز على المقطع الرائع
الرابط شغال معاي 100% ويحمل بشكل طبيعي

[هاوي بر]

وعليكم السلام السلام ورحمة الله وبركاتة

تسلم والله يا ابوسعود على المقطع

الله يعطيك العافيه

والله كان ودي احمله لكن خل الدي اس ال يركب

دمة في حفظ الله ورعايتة

[ابوعيسى]

تسلم ياطويل العمر على هالمقطع الكايف

وشيله مميزة ..........................

[همال بردي]

الاخوان اللي واجهوا صعوبة في تنزيل الملف هذا رابط اخر

http://1.up3.m5zn.com/download-3-2008-ls7vrq35gz.3gp] - 2182 KB
http://1.up3.m5zn.com/download-3-2008-ls7vrq35gz.3gp

[تباع الحيا]

بيض الله وجهك

مقطع رائع وقصيدة أروع