هنا مطالبة محافظتي وادي الدواسر والسليل برادار السحب

[فروش تمره]

السلام عليكم ورحمة الله وبركاته
من هذا المنتدى نطالب نحن سكان وادي الدواسر والسليل وايضا الافلاج برادار سحب علما بأن هذه المناطق يوجد فيها اوديه كبيره جدا مثل وادي قرون ووادي تمره والحسي وابوين ووادي الحنو في الافلاج وحمام والعجليه وغيرها من الاوديه وهي منطقه استراتيجيه تقع بين منطقة عسير ومنطقة الرياض ويوجد بها قواعد جويه مهمه بالاضافه الى المزارع .

[عساس الوادي]

هلا براعي تمره صدقت و الله صدقت محتاجين رادار يغطي منطقتنا لا يشملنا رادار أبها و لا يشملنا رادار الرياض , أتمنى من الأرصاد السعودية تركيب رادارات جديدة ,

[رياض بن فهد]

أتمنى من الأرصاد السعودية تركيب رادارات جديدة في المحافظات التي لايوجد بها ردار

[سهيل الجنوب]

صدقت يالغالي ومشكور على الإهتمام الجميل بالموضوع هذا

[سهيل الجنوب]

انا عندي اقتراح ورا أعلم هل توافقوني عليه أم لا
نقدم خطاب رسمي للمحافظه وأتوقع راح يكون لها أثر

[حكيم العامري]

تسجيل اسمي  ضمن القائمة 

نعم  و أهم نقطة  و جود أودية    ونخرط  الموضوع ضمن  برنامج التنبيهات  

كون أهل المنطقة  من عشاق   السحب   و  الان الارصاد تطرح خدمات جديدة ويجب ان تهتم باهم المناطق و الاودية وجميع اجزاء السعودية 

[سهيل الجنوب]

واجهت مدير مطار وادي الدواسر وسألته عن وض الرادار وكيف تهبط الطائره قال لي انهم مشغلين وايرلس مشبوك بالقاعده الجويه في السليل ولا عندنا رادار
قلت فيه أمل يركب
قال لي ان فيه مبنى الآن على وشك الانتهاء منه بقي له ثلاث شهور برج مراقبه او مثل كذا
في ثلاث امور يمكن تحصل ان يركب رادار جديد خاص للوادي او مقوي نسحب من أبها او الدوادمي
قلت أكيد قال على مسؤليتي
عسى الله يتمم على خير
أرجو من الأخوان المطالبه من مدير المطار كل واحد مسؤول
وبإذن الله ابريل القادم راح نستفيد منه

[عساس الوادي]

اقتباس المشاركة الأصلية بواسطة : سهيل الجنوب واجهت مدير مطار وادي الدواسر وسألته عن وض الرادار وكيف تهبط الطائره قال لي انهم مشغلين وايرلس مشبوك بالقاعده الجويه في السليل ولا عندنا رادار قلت فيه أمل يركب قال لي ان فيه مبنى الآن على وشك الانتهاء منه بقي له ثلاث شهور برج مراقبه او مثل كذا في ثلاث امور يمكن تحصل ان يركب رادار جديد خاص للوادي او مقوي نسحب من أبها او الدوادمي قلت أكيد قال على مسؤليتي عسى الله يتمم على خير أرجو من الأخوان المطالبه من مدير المطار كل واحد مسؤول وبإذن الله ابريل القادم راح نستفيد منه

الله يبشرك بالخير يا سهيل لاهنت هذه العلوم اللي تسر , لو عندك رقم مدير المطار أرسله لي لاهنت , و تابع الموضوع و خبرنا بكل جديد .