ياعالمٍ بالسماء واللي جرا فيها.. يالواحد اللي يبدل كل الاحوالي
يا خالق النفس ياعالم خوافيها.. انك من الغرب تنشي مزن وخيالي
ولنجد بأمرك يارب البيت تجريها.. مع أول الوسم مزنٍ كنه جبالي
خيّل على نجد قاصيها ودانيها.. البرق يبرق وخير المزن همّالي
والأودية جتك فايضةٍ عواليها.. جا يدحم سيلها من الجال للجالي
أمطار رحمة وبينةٍ مواريهاوالعشب.. الأخضر نبت من كل الأشكالي
والباذر أنبت وجه الأرض غاطيها.. والطير لامن سمعته غرّد يلالي
للشاعر "سعود بن حادي "
يالله بنـو يـوم يــردم ربـابـه ...توابعـه مثـل الجبـال المظاليـل
يومر على غسل المحول انصبابـه...في قدرة الخالـق يكيلـه مكاييـل
يحيي الهشيم اللي يبس في ترابـه...يبست عروقه والهوا شالته شيـل
يبس الشجر والقاع والعجز صابه...وضاقت على راع الحلال المهازيل
راع المواشي زادها مـن زهابـه...يرهن لها الذمة ويشري لها الكيف
نشف الثرى والبر مقحـط جنابـه...واللي حوالـه دون ذاق البهاليـل
للشاعر عبدالعزيز المسفر من أهالي المجمعة
عام 1392هـ رحمه الله
يا سحاب على المشقرمخاييله.. جعله يسقي وطنا وكل الأوطاني
يوم دن الرعد هلت هماليله ...جعل سيله على الكلبي وظفناني
ثم ياطى الرويضة من مقابيله ..ويتروس على الحفنة مسياني
والمعيذر من الله عم به سيله...والسهل والوعركله وضلعاني
امتلاء السد من فضله وتسهيلة...نحمد الله وطنا تو ما زاني
يوم فاض الشعيب وسيل نخيلة..ورجع الله على بدو وحضراني
الا يالله طلبتـك ثـم طلبـتـك .....سحابً من حياض الخلد جـاري
تزبّـر ثـم تعبّـر ليـن غبّـر ....وحبّر ماطره وسـط الخبـاري
تجلهـم ثـم تدلهـم ثـم أكلهـم .....بأمر باري برى باريـه بـاري
يحوف الشمس لين الشمس تصغر .....شوي شوي مثل عين البخـاري
إلى أن يختفي فـي ثـوب نـوه .....جذب طاريه اهل درم السمـاري
بروقه في فتوقه مـن تشوقـه .....يلاعبها بأطـراف الشبـاري
من قصيدة للشاعر " ناصر الفراعنة "