اقتباس المشاركة الأصلية بواسطة : فيصل مبارك حي ا لله الحاضر الغائب ابو سلطان شكل مرتفع ا لحوطة عامل عمايله معك اي والله ملاحظ انا امطار المربعانية قليلة جدا في السنين الماضية لكن الشبط سبحان الله مايمر باذن الله الا وفيه حالة معتبرة اكثر الاحيان تبي الصدق انا من محبي امطار المراويح خاصة اذا كانت مبكرة لانها تنفع الارض باذن الله ويسمونها الشيبان وسم الصيف لكن هناك نقطة الا وهي التعلق بالله وليس بالشهور والنجوم بعضهم يتعلق بشهر يناير ويقول يناير والخير ثاير والاخر يكره شهر فبراير ويقول غبراير وصارت التعلق بالشهر والنجوم الله المستعان ولو كانت قلوبنا متعلقة بالله لزانت امورنا واحوالنا نسأل الله ان يعلق قلوبنا به انه سميع مجيب الله يحييك يابومبارك ويبارك فيك وفي حلالك الله يجيب له الربيع المشكلة ولا احب أعمم ان البعض جديد في متابعة الطقس ولا يبني تحليلاته على خبرات ومتابعات سابقة، فما ينطبق مثلا على الشام لاينطبق على أجواءنا ، وكل منطقة تختلف عن غيرها من حيث عوامل الطقس هذا بالنسبة للمكان. كذلك فالبنسبة للزمان ، فلكل موسم خصائصه وصفاته المستقله، فمثلا سحاب الصيف يختلف عن سحاب الوسمي منخفضات الصيف تختلف عن منخفضات الوسمي وهكذا. ولكن لاتستبعد يجي يوم ويجيك واحد يقول ترى فيه توقع أمطار قويه في التويبع ههههههههه، طبعا ماعلى الله شيء مستحيل ولكن ربي هو من خلق تلك الاسباب وقسم السنة لفصول و أنعم علينا بشيء من العلم .