السلام عليكم
صباح الخير ,, حضرت لكم معلومات ,, عن شلون تطير الطيارة (القوى المؤثرة في الطيارة)
مادري أعتقد أنه مسموح بغرض التعرف على علم الهواء لازم تعرف هذي المعلومات السهله.
أول شي هذا هو المصدر:
وهذا هو شرحي .
بداية أيش يخلي الطيارة الضخمة تطير الاف الأقدام ,, وتستمر تطير في الجو دون ان تسقط.
أول شي لازم تعرف نظرية الطيران وحدة سواء طيارة صغيرة أو كبيرة يعني شوف الطيور يستخدمون نفس العملية
المهم الي بنتعرف عليه اليوم هو القوى الي تؤثر على حركة الطيارة
هم أربع قوى كما تشوفون في الصورة الي فوق
1.دفع إلى الأمام
2.سحب إلى الخلف
3.رفع إلى الأعلى
4.الوزن الى أسفل.
أول شي بناخذ الرفع إلى أعلى :
من وين تجي قوة الرفع ,,قوة الرفع تعتمد على شكل الجناح
والعملية تتم كالتالي :
حول الجناح تتكون منطقتين من الهواء :
أولا الي فوق وهو أسرع ومنخفض الضغط
ثانيا الي بالأسفل وهو أبطأ ومرتفع الضغط
القوة الثانية المؤثرة على الطيارة هي قوة الدفع :
وهي تكون إلى الأمام,,عن طريق المروحة ,, الآن عندنا قوتين الرفع والدفع يساعدون الطيارة على الأقلاع أو الطيران