|
هوايه ومتعه وقياده بالطيران الشراعي
الطيران الشراعي هوايه احبها واعشقها لكن فيه انواع عديده لكن ( الترايك ) انا بصراحه ما اعشقها نهائي لأنها ثقيله وتخوف وهي عباره عن عربه مكونه من كفرات وتحمل راكبين اصر علي صديقي نواف التركي بالركوب معه ولا توخذوني ليس هدفي الدعايه لا والله يا اخوان لكن طالماً بأني احد اعضاء هذا المنتدى المميز اقل شي اقدمه http://db.tt/JuRQVPQ http://db.tt/5J8Qrt6 http://db.tt/OVxjGL5 http://db.tt/bkb405v هذا طيران الباراموتور يعني بدون عربه ووجع راس وهذي هوايتي المفضله وتحديداً http://db.tt/FtZZvmm واتمنى ينال اعجابكم |
رد: هوايه ومتعه وقياده بالطيران الشراعي
مشكر يالشواف وفي الشتاء لا تصلح بررررررررررررررد ههههههههه
|
رد: هوايه ومتعه وقياده بالطيران الشراعي
ماشاء الله اخوي الشواف تجربة مميزة أكيد يتمنى اي شخص يكون مكانك |
رد: هوايه ومتعه وقياده بالطيران الشراعي
الموقع وين الثمامه ولآ شمال غرب الرياض
|
رد: هوايه ومتعه وقياده بالطيران الشراعي
اقتباس :
هلا وغلا اخوي سحابة الرياض الفيديو الاول والثاني بالمزرعه بالشيحيه بالقصيم الثالثه والاخيره في نادي الطيران السعودي بالثمامه وسعدنا بمروركم جميعاً ويا هلا وغلا |
رد: هوايه ومتعه وقياده بالطيران الشراعي
اقتباس :
هلا وغلا اخوي منهمر فعلاً في الشتا برد لكن الأفضل يكون في الجو البارد يعني بالشتا لأن البراشوت يرتاح في الجو الشتوي من الانهيار لا سمح الله وفي الشتا تكثر نسبة الاكسجين في الجو وفي الشتا نقدر نطير في اي وقت لكن في الصيف يا نطير بعد الفجر او قبل المغرب بساعه هذا بالصيف لكن الجو الشتوي غير مقيد بالوقت لكن لا ننسا حاجه الا وهو سرعة الهوا اذا كان سرعته من 20 كيلو بالساعه فاقل مسموح الطيران لكن اعلى من 20 فيعتبر طيران تهور ولكن الاعتماد على الله في كل شي والامن والسلامه وسعيد بمرورك |
رد: هوايه ومتعه وقياده بالطيران الشراعي
اقتباس :
هلا وغلا اخوي مطر نوفمبر فعلاً تجربه رائعه في السابق كنت اعلق على بعض الاصدقا الي مارسوها من سنين قالو جرب واحكم وفعلاً جربة بصراحه وفعلاً متعه متعه لا تنسى وسعيد بمرورك |
رد: هوايه ومتعه وقياده بالطيران الشراعي
تجربه جميله جدا اخوي الشواف ولكن في نفس الوقت مخيفه بيني وبينك ههههه اخاف من المرتفعات والمناطق الشاهقه طيب مافيه وسائل امان في الطائره |
رد: هوايه ومتعه وقياده بالطيران الشراعي
اقتباس :
هلا وغلا اخوي غازي واسف على التأخير لوجودي في البر بخصوص الارتفاعات الشاهقه فعلاً كلامك في محله يمكن الان فقط لكن في حالة طيران مع احد الاصدقاء يصير راح تتقبلها ويصير عادي عندك احنا كلنا كذا في البدايه لكن مع الوقت راح تتعود بعدين لا تنسى احنا مانشوف الارض الا اذا ركبنى الطياره واذا كان مقعدك بعد بجوار النافذه تشوف الارض ونظره غير واضحه لكن انت حاول تتخيل الان وانت تطير لوحدك وتتجه الا اي اتجاه تريد وترتفع عن سطح الارض تصل الا 9000 تسع الاف متر كأنك طير حر لوحدك صدقني لو عشت نفس الشعور الي مر بنا حتقول الله لا يلومكم الامن والسلامه التوكل على الله سبحانه ثانياً تشييك على المحرك والبرشوت وفيه مظله احتياطيه في حال لا سمح الله لكن انا والله لا استخدم ولا مظله احتياطيه بصراحه واهم شي العنايه بالبراشوت عدم عرضه تحت الشمس وسلامتك وصدقني حديثها مطول لكن هذا كلامي اختصار واي استفسار عيونا لك في اي وقت وسعيد والله بمرورك هذا الرابط هديه لك لكن للاسف فيه موسيقى http://www.youtube.com/watch?v=XLxcW...e_gdata_player |
رد: هوايه ومتعه وقياده بالطيران الشراعي
|
رد: هوايه ومتعه وقياده بالطيران الشراعي
تجربه ممتازه منك اخوي الشواف |
رد: هوايه ومتعه وقياده بالطيران الشراعي
الله يستر عليك اخوي
ووالله تجربة بصراحه روعه |
| الساعة الآن 06:54 PM.
|
Powered by vBulletin
Copyright ©2000 - 2026, Jelsoft Enterprises Ltd
